Charter Document - 02410134
| Charter Number: | 02410134 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1175 |
| Date type: | Assigned |
| Resource Link(s): |
|
Charter:
Rob Hereford et Rogerus Wigorn dei gratia dicti episcopi dilectis in domino fratribus R priori et fratribus de Beremundesheia salutem Dilectioni vestre auctoritate apostolica mandamus quatinus illustrem virum comitem Legecest monasterio Sancti Ebrulfi super [ecclesia] de Wideford satisfacere moneatis et modis omnibus inducere studeatis et nisi eidem monasterio satisfecerit vobis prescripta auctoritate precipimus ut secundo die lune post festum Sancti Hilarii sufficienter instructi presentiam vestram nobis aput Criccheladam exhibeatis procuratori illius monasterii super iamdicta ecclesia secundum formam mandati apostolici quod vobis satis innotuit responsuri Si autem evidenti causa prepediti die statuto ad nos accedere forte non poteritis sufficientem responsalem cum literis patentibus et rati cautionem pretendentibus pro vobis dirigere curetis hunc namque diem vobis peremptorium prefigimus Valete