Charter Document - 02410122
| Charter Number: | 02410122 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1164 - 1167 |
| Date type: | Assigned |
| Resource Link(s): |
|
Charter:
Robertus dei gratia Hereford episcopus universis sancte matris ecclesie filiis salutem et benedictionem a domino Notum sit omnium vestrum caritati nos intuitu pietatis concessisse et in perpetuam elemosinam dedisse ecclesie de Lanthon in manerio nostro de Presteb tam in valle quam in montanis totam minutam decimam de dominico nostro in agnis et porcis in lana et caseis Hanc autem elemosinam perpetuam stabilitatem habere volentes eam in scripto redigi et sigilli nostri impressione roborari precepimus Hiis testibus Domino Rogero Wig episcopo Henrico Exon archidiacono Alured senescallo nostro Magistro Simone Luwel Willelmo priore Sancti Aug[ustini] de Brist Gilleberto et Sampsone clericis domini Wig episcopi Osberto capellano nostro et Guidone canonico et sigillo nostro Prohibemus autem sub anathematis interminatione ne quis contra huius elemosine assignationem ullo umquam in tempore venire vel eam infringere attemptet eidem vero assensum suum una nobiscum prebentibus sit gratia et pax a domino nostro Iesu Cristo