Charter Document - 02410119
| Charter Number: | 02410119 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1165 |
| Date type: | Internal, A.D., Episcopal |
| Resource Link(s): |
|
Charter:
Rodbertus dei gratia Hereford ecclesie minister humilis universis sancte matris ecclesie filiis inperpetuum Noverit universitatis vestre discretio controversiam quandam inter monachos beati Petri de Glouc et Iohannem presbiterum de Lameys diutius extitisse super duabus partibus decime dominii de Brechennio ultra Uscam in Lameis scilicet pecorum caseorum et omnium aliarum rerum de quibus decime dari debent ipsamque a domino papa nobis delegatam subscripte compositionis fine ad ultimum quievisse Convenientibus hinc inde partibus in presentia nostra prefatus Iohannes petitioni abbatis et monachorum Glouc cessit seseque eis in annua pensione xii denarios infra octo dies natalis domini apud Glasburiam dum vixerit solvendorum pro supradicta decima obligavit Hanc compositionem nos ratam habentes concedimus ipsamque auctoritate delegati iudicis et sigilli nostri impressione confirmamus Actum anno verbi incarnati MCLXV episcopatus nostri secundo