Charter Document - 02410114
| Charter Number: | 02410114 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1162 |
| Date type: | Assigned |
| Resource Link(s): |
|
Charter:
Dilectis sibi in Domino universis sancte matris ecclesie filiis frater Gillebertus Herefordensis ecclesie minister in Christo dilectionem et salutem perpetuam Prona est presens etas in malum et que nascuntur e facili difficulter iurgia conquiescunt Unde et pium duximus esse et ad conservandam pacem ecclesiarum de Warewich valde necessarium ut quod inter canonicos ecclesie sancte Marie et Omnium Sanctorum et Radulfum priorem sancti Sepulcri de Warewich sub nostra conscientia gestum est scripture testimonio in publicans notitiam evocemus Noverit itaque dilectio vestra memoratos canonicos nostro et aliorum plurium interventu illam portionem sue parochie quam eis ego et G[odefridus] Wigorn[iensis] archidiaconus apostolica adiudicavimus auctoritate predicto priori sancti Sepulcri Radulfo concessisse persone videlicet non ecclesie sancti Sepulcri annua pensione decem solidorum quoad ipse viveret et in officio prioris ibi ministraret possidendam Unde ne pretextu beneficii ipso priori personaliter indulti ecclesia postmodum sancti Sepulcri aliquid sibi iuris in hoc usurpare presumat quod gestum est in eum quod gestum est modum universitati uestre significare et sigilli nostri testimonio roborare curavimus Valete