Charter Document - 02410110
| Charter Number: | 02410110 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1155 - 1163 |
| Date type: | Assigned |
| Resource Link(s): |
British Library - Add Ch 19587 (f1r) British Library - Egerton MS 3031 (f58r) |
Charter:
Dilectis sibi in Domino universis sancte matris ecclesie filiis frater G[ilebertus] Herefordensis ecclesie minister salutem et dilectionem in Christo Dignitatis apostolice quanta sit eminentia vestram scimus karissimi prudentiam non latere quibus magno Domini munere collatum est ut cum vite merita locabuntur super sedes celestes cum ipso sedeant et iudiciariam nacti potestatem que sint unicuique remuneranda decernant De quorum collegio magnus ille Iacobus est frater Iohannnis apostoli qui post passionem Domini ab Herode captus et ipsius gladio percussus primus in apostolorum numero meruit coronari Cuius reliquias honorandas quia fratres Rading summo fovent et venerantur obsequio fraternitatem vestram pie commonemus in Domino ut in sollempnitate eiusdem apostoli ob ipsius reverentiam ad iamdictam ecclesiam qua ipsius habentur reliquie devotione debita conveniatis ut vobis eius intercessione a Domino peccatorum veniam et gratiam obtineatis Omnibus vero qui ad eandem solempnitatem convenerint vel ecclesiam ipsam infra eiusdem solempnitatis octabas visitaverint et honorem apostolo debitum orationibus et oblationibus sacris impenderint nos de Domini misericordia et beati apostoli confisi meritis de iniuncta sibi penitentia viginti dies relaxamus Valete