Charter Document - 02410109
| Charter Number: | 02410109 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1154 - 1163 |
| Date type: | Assigned |
| Resource Link(s): |
British Library - Egerton MS 3031 (f56r) |
Charter:
Gilebertus Dei gratia Herfordensis episcopus dilectis sibi in Christo filiis clero et populo in episcopatu Herford[ensi] constitutis salutem gratiam et benedictionem Ad commissum nobis a Deo spectat officium emergentes in parrochia nostra lites dirimere et unicuique prout scimus et possumus ius suum reservare Inde est quod discretioni vestre notificamus litem que fuit inter abbatem de Rading et Gilebertum de Hamton super decimis ipsius Hamt[one] quas ex antiquo iure ecclesie Leom[inistrie] pertinentes memoratus Gilebertus tempore werre violenter detinuit predicta ecclesia Leomin[istrie] ius suum semper reclamante hoc tandem fine conquieuisse Abbas Rading in presentia nostra et capituli nostri Herf[ordie] iuramento sufficienti clericorum probavit et laicorum totum parrochie ius predicte Hamt[one] vivorum et mortuorum ad ecclesiam Leomin[istrie] pertinere et sic adiudicatam sibi investituram simul et possessionem accepit Hoc in presentia nostra et capituli nostri ita terminatum ne posteris deveniat in dubium presenti scripto et sigilli nostri attestatione testificamur pariter et confirmamus