Charter Document - 02410090

[G]ilbertus Dei gratia Herefordensis episcopus universis sancte matris ecclesie filiis perpetuam in Domino [salute]m Quod iuste et divino intuitu ad decorem domus Dei locis religiosis pia [fide]lium deuotio contulerit provida solicitudine conservandum est et testium auctoritate et car[tarum] munimine transcurrendum perversorum autem malitia sedet in insidiis et bene gesta in[mut]are vel Deo militantium requiem perturbare gaudet et enititur Huius conditionis non inmemores quod in presentia nostra et totius sinodi Hereford[ie] ad honorem Dei et ecclesie [uti]litatem fieri vidimus presenti scripto tam presentis etatis quam future posteritatis memori[e] commendare curavimus ne temporis interstitio in religionis detrimentum rei bene geste mem[o]ria effluat uel vaccillet Adam de Port pro salute anime sue et pro animabus patris et matris sue et antecessorum suorum tantam terram suam de Russoc in nemore et plano sicut sibi a proavis iure hereditario competebat liberam et quietani ab omni humana exactione et terreno seruitio ecclesie beati Petri et sancti Guthlaci Hereford[ie] et monachis ibidem Deo servientibus donavit et in perpetuam elemosinam concessit adiecit etiam communitatem ceterarum terrarum suarum in forestis silvis aquis et pascuis ad omnes usus suos cum omni quietudine et libera consuetudine predictam etiam terram tanquam possessionem ecclesiasticam deinceps in usus monachorum gladio spirituali tuendam nobis contradidit Huic donatione assensum prebuit abbas Valcellensis monasterii et totum eiusdem loci capitulum Nos itaque de devotione predicti Ade gratias agentes quod pietatis intuitu et Deo auctore concessit ratum habemus et prefatam donationem scripto nostro cum sigilli appositione episcopali autoritate confirmamus []