Charter Document - 02410089
| Charter Number: | 02410089 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 - 1163 |
| Date type: | Assigned |
| Resource Link(s): |
Balliol College - MS 271 (f69r) |
Charter:
[G]ilbertus Herefordensis Dei gratia episcopus universis Hereford[ensis] ecclesie filiis salutem et benedictionem Nostra interest memoria comendare ea que ad honorem Dei et tranquillitatem religionis acta esse cognoscimus ut si qua in posterum rerum gestarum dubitatio emerserit scripti nostri testimonio veritas luce clarius omnibus innotescat Quod itaque a Iohanne de Maurdina in extremis posito cum Hereford[ensi] ecclesia actum est sic se habet predictus siquidem Iohannes duas partes decime dominii sui de Lorteport concedente fratre suo qui eandem decimam ante tenuerat sine omni reclamatione monachis Hereford[ie] in perpetuam elemosinam concessit Quod quia ratum et inconvulsum manere volumus presenti scripto et sigilli nostri attestatione confirmamus Valete