Charter Document - 02410087
| Charter Number: | 02410087 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1148 - 1163 |
| Date type: | Assigned |
| Resource Link(s): |
|
Charter:
Gilebertus Dei gratia Herefordensis episcopus dilectis sibi in Domino universis eiusdem ecclesie parrochianis et filiis salutem gratiam et benedictionem Quod a predecessore nostro bone memorie domno Roberto episcopo ad honorem Dei et ecclesie sancte decorem pariter et utilitatem salubriter actum est et statutum nos eius immitati vestigia ea que nobis a Deo concessa est auctoritate concedimus et confirmamus Quoniam itaque iam dictus predecessor noster ecclesiam beate Petri in foro Hereford[ie] sitam et ecclesiam sancti Gutlaci intra castelli Hereford[ie] ambitum fundatam in corpus unum redigere et unam beatorum apostolorum Petri et Pauli et sancti Gutlaci Heref[ordie] ex iam dictarum ecclesiarum possessionibus constituere et in loco religione aptissimo extra civitatem edificare et in ea monachorum conventum instaurare decrevit nos hoc ipsum ratum habentes annuimus et iamdicte ecclesie beatorum apostolorum Petri et Pauli et sancti Gutlaci omnes possessiones et dignitates et libertates a iam dictis duabus ecclesiis retroactis temporibus habitas et sibi a iam dicto predecessore nostro confirmatas concedimus et presenti scripto et sigilli nostri attestatione ut imperpetuum sibi firme permanent confirmamus in his vero hec propriis duximus exprimenda vocabulis ecclesiam sancti Guthberti de Hamma et ecclesiam sancti Egidii de Yeddefen et ecclesiam de Agnebur et ecclesiam de Acla et ecclesiam sancti Petri de Mordford et capellam de Lordford et capellam de Britwaidestreu et ecclesiam sancti Audoeni de Heref[ordia] et capellam de Feltona et capellam de parua Coura et capellam de Dormitona et capellam de Ladeo et capellam de Parva Suttona et capellam de Maghene et ecclesiam de Mawr puden que omnia predicte iam ecclesie et fratribus in ea Domino servientibus episcopali auctoritate concedimus et donationem nostram presenti scripto communimus et valete