Charter Document - 02410082

Dilectis sibi in Domino universis sancte matris ecclesie filiis frater G[ilebertus] Herefordensis ecclesie minister in Christo dillectionem et salutem perpetuam Consensu contrahentium inita pacta stabile tunc demum robur accipiunt cum corum quorum hec firmare potest auctoritas excipiuntur litteris et firmantur sigillis Inde est quod conventionem inter Herebertum canonicum nostrum et Gwillelmum capellanum domni T[heobaldi] Cant[uariensis] archiepiscopi habitam super ecclesia de Hinteberga scripto commendare curavimus ut in hoc quod inter eos interposita fide compromissum est obligatum utrumque alteri etiam scripto rem gestam fideliter interpretante teneamus Herebertus ei in quandam partem prebende sue ecclesiam scilicet de Hinteberga cum capella sancti Laurentii et aliis omnibus ad eandem ecclesiam pertinentibus iam dicto Villelmo in perpetua vicaria et elemosina annua xxx solidorum pensione tenendam habendamque concessit et eum in nostra et capituli nostri presentia investiuit Quia vero canonico de prebenda sua ultra diem functionis sue disponere de iure non licet ego et tota capituli nostri plenitudo conventionem eandem in totam iam dicti Willelmi vitam extendimus hoc unanimi consensu concedentes et statuentes ut si Willelmus Hereberto superstes extiterit ei qui Hereberto in prebenda eadem fuerit substitutus in eandem et non ampliorem si id forte voluerit summam teneatur sed iam dictam pensionem solvendo nostra et capituli nostri auctoritate securitate plenissima potiatur Post diem vero Gwillelmi libera sit facultas canonico nostro [quicumque tunc fuerit] super eadem ecclesia disponendo ut eam vel ipse teneat vel cui voluerit ampliori pensione concedat Quod quia firmum inconvulsumque [permaneret] discernimus ego et capitulum nostrum presenti scripto et sigillorum nostrorum appositione firmamus Testibus