Charter Document - 02410080
| Charter Number: | 02410080 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1158 - 1163 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Gilebertus Dei gratia Herefordensis episcopus salutem gratiam et benedictionem Notum fieri volumus tam presenti etati quam future posteritati nos divine pietatis intuitu et communi capituli Hereford[ensis] assensu concessisse et episcopali auctoritate confirmasse Deo et sancto Petro Glouc[estrie] et abbati et monachis ibidem Deo servientibus ad luminaria et ornamenta ecclesie sue annuum censum quinque marcarum de ecclesia beate Marie de Coura et unam hidam terre cum pertinentiis suis que appellatur Bache et totam decimam de dominio suo de Hid secundum transactionem que facta est coram nobis inter Patricium sacristam et Hugonem clericum de Gerchull quam et carta nostra et sigilli nostri appositione roboravimus et duas marcas annuas de ecclesia sancti Laurentii de Teynton et unam virgatam terre in eadem villa cum pertinentiis suis Concessimus etiam et confirmavimus eisdem abbati et monachis in usus ecclesie eorum predictos duas garbas decime totius dominii sui in Rudele quas ab antiquo possederunt et omnes decimas de assartis nemoris sui de Sudrugge et decimam totius venationis quam capi contigerit vel ab ipso rege vel a ministris suis in predicto nemore et in tota foresta de Dene sicut eam de dono et confirmatione reg[um] Anglie dudum habuerunt et totam piscariam de Rudele et passagium et molendinum cum decimis eorum preterea omnes redditus decimas et ecclesias in diocesi nostra a patronis earum eis in elemosinam collatas et possessiones alias et consuetudines quas hactenus habuerunt divina eis pietate in perpetuum concedimus et eas tam presenti scripto quam sigilli nostri testimonio auctoritate episcopali confirmamus