Charter Document - 02410076
| Charter Number: | 02410076 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1158 |
| Date type: | Assigned |
| Resource Link(s): |
|
Charter:
Omnibus ad quod presens pagina pervenerit G[ilebertus] Foliot Herefordensis episcopus cum toto capitulo Herefordensi salutem Cum Matilda de Watteuile domina de Teintona cum amicis suis multum instabat ad hoc ut ecclesiam sancti Laurentii eiusdem ville ex sua donatione appropriare mus ecclesie beati Petri Gloucestr[ie] ad luminaria et ornamenta in illo monasterio invenienda et illud facere distulimus donec Aluredus capellanus et persona prefate ecclesie de sua propria voluntate personatum suum quoad illam ecclesiam totaliter in manus nostras resignasset ad suam instantiam et ad iugem interpellationem dicte matrone Sampsonem sacristam Glouc[estrie] nomine abbatis et conventus de dicta ecclesia inpersonavimus salvo sufficienti victu dicti Aluredi in memorata ecclesia ministrantis et percipiet dictus sacrista de dicto Aluredo nomine personatus decem marcas annuas quinque ad Pascha et quinque ad festum sancti Michaelis donec prefata ecclesia plene vacaverit Concedimus etiam et confirmamus auctoritate Herefordensis ecclesie dicto sacriste unam virgatam terre in villa de Tentona quam sepefata Matilda ecclesie beati Laurentii in puram et perpetuam elemosinam donavit et sit ista terra quieta ab omni decimatione omni tempore Concedimus etiam et confirmamus sepefato sacriste oratorium quod situm est in terra Hugonis forestarii cum igitur ut dictum est plene vacaverit dicta ecclesia faciat idem sacrista inde quod voluerit salvo tamen sufficienti victu et honesto unius capellani Et quia volumus quod hec nostra collatio dicto monasterio concessa et ad tales usus deputata ut dictum est in ante iugiter perseveret hanc cartam nostram sigillis nostris appositis ita roboravimus Teste capitulo nostro