Charter Document - 02410052
| Charter Number: | 02410052 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1138 - 1148 |
| Date type: | Assigned |
| Resource Link(s): |
|
Charter:
Robertus dei gratia Herefordensis episcopus Radulfo decano totique conventui Herefordensis ecclesie salutem gratiam et benedictionem Ex officii nostri debito pre ceteris ipsos paterno fovere tenemur amplexu necnon et eorum procurare profectum quos sancte contemplationis ocium sponsi trahit et ducit in amplexum Famuli dilecti in Cristo filii religionem quam in vobis vigere credimus attendentes ecclesiam de Momerfeuld cum pertinentiis suis vobis ad proprios usus perpetuo possidendam necessitatibus vestris compaciendo concedimus ita quod in ipsa morentur monachi et de vobis nunc hii nunc alii ad libitum vestrum ad faciendum hospitalitatem ibidem secundum facultates loci et ipsam ecclesiam vobis auctoritate episcopali confirmamus una cum pensionibus capellarum suarum videlicet de capella de Billingsleya sex solidos et octo denarios et medietatem garbarum dicte ville de capella de Esteleya viii solidos de capella de Alberbur v solidos de capella de Tasseleya vi solidos et vii denarios Concedimus etiam vobis et confirmamus omnes pensiones vestras alias debitas quas similiter in episcopatu nostro ab antiquo percipere consuevistis videlicet de ecclesia de Stotisdon quatuor libras argenti de ecclesia de Castro Helegoti octo solidos et octo denarios de ecclesia de Abbeton duos solidos de ecclesia de Tuggeford ii solidos Concedimus insuper vobis et confirmamus decimas de omnibus dominicis vestris et aliorum magnatum in episcopatu nostro que vobis ab antiquo ad sustentationem vestrum date sunt videlicet omnes decimas de dominico vestro de Esteleya et etiam alias decimas in eadem parochia vobis ab antiquo datas et omnes decimas totius dominici vestri de Dudelwich et dominici vestri de Stottisdun et duas partes decimarum de dominico in eadem villa domini et duas partes decimarum dominii de Walkeslawe et duas partes decimarum dominii de Walkeslawe et duas aprtes decimarum de dominico vestro de Luchton et omnes decimas de dominico vestro de Tuggeford duas etiam partes decimarum dominii de Henneleg et duas partes decimarum dominii de Neutun et duas partes decimarum dominii de Uptun et duas partes decimarum dominii de Thokethul Obsecramus autem omnes successores nostros quatinus hec statuta nostra manuteneant et de episcopalibus consuetudinibus nil amplius a vobis nec a bonis vestris prenominatis exigant quam nos statuimus ne id quod pro defensione pauperum fecisse dinoscimur in detrimentum nostrum et ecclesie nostre cedere videatur ut autem hec nostra concessio et confirmatio robur optineant eas presenti scripto et sigilli nostri munimine fecimus roborari Hiis testibus Reinaldo priore de Wonlok Petro archidiacono Hugone canonico Ricardo decano David capellano et pluribus aliis