Charter Document - 02410034
| Charter Number: | 02410034 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1142 - 1147 |
| Date type: | Assigned |
| Resource Link(s): |
|
Charter:
R dei gratia Herefordensis ecclesie minister humilis omnibus sancte ecclesie fidelibus salutem Noverit dilectio vestra quod H abbas de Lira in presentia mea et capituli Herefordensis ecclesiam de Hopa versus abbatissam de Alnestou canonice dirationavit quam prefati abbatis ecclesia antiquitus per plures annos quiete et in pace donatione Herefordensis episcopi Gerardi et cum libero assensu et concessione Aitropi tunc temporis illius ecclesie advocati possidebat quod idem abbas per multos legales testes hoc idem coniuramento affirmantes probavit Quare volo et episcopali auctoritate precipio ut illam ecclesiam prout antiquitus tenuerat in pace et quiete habeat et teneat Similiter ecclesiam de Merkeleia ecclesie de Lira antiquitus subiectam illi concedo in qua meo tempore inveni duos sacerdotes unum concubinarium alium vero concubinarium et symoniacum quod in presentia mea et capituli mei cognitum et probatum fuit Hiis autem concubinariis ecclesiastico iudicio ab ecclesia de Merchelai electis illam liberam et quietam ecclesie de Lira noscitur et eo amplius ut domnus abbas illos monachos poneret Alias vero ecclesias quas in mea parrochia ecclesia de Lira habet ecclesiam videlicet de Tameteberia et illam de Lena ecclesiam de Lideneia ecclesiam de Tedeham cum rebus ad illas pertinentibus volo et episcopali auctoritate precipio ut quiete et in pace eas habeat et teneat similiter ecclesiam de Lintun et ecclesiam Sancte Brigidis