Charter Document - 02410030
| Charter Number: | 02410030 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1131 - 1137 |
| Date type: | Assigned |
| Resource Link(s): |
British Library - Egerton MS 3031 (f56v) |
Charter:
Volumus ad notitiam posterorum pervenire concordiam factam de disceptatione qua inter se invicem contendabant monachi de Leominstr et Milo Conestabulus pro parrochia hominum de Bradefeld quos predicti monachi ad parrochiam de Leominstr dicebant pertinere et Milo defendebat Concordati sunt autem eo tenore ut monachi Leoministr haberent de predicta villa Bradefeld scrifcorn sicut antea habuerant et in Augusto ii acras bladi de dominio unam videlicet frumenti et alteram avene quia has antea quoque habuerant et romescot reciperent sicut etiam prius receperant et corpora defunctorum ecclesia de Bodeham sepeliat et cetera beneficia recipiat Acta sunt hec in synodo Herford nobis presentibus Roberto episcopo Herford et abbatibus Waltero Glow Godefrido Wichlec Herberto Salop et multis aliis