Charter Document - 02410026
| Charter Number: | 02410026 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1143 - 1148 |
| Date type: | Assigned |
| Resource Link(s): |
|
Charter:
Robertus dei gratia Herefordensis episcopus universis sancte matris ecclesie filiis salutem et benedictionem Noverit universitas vestra me concessisse Gilberto abbati Gloc et monachis beatorum apostolorum Petri et Pauli et Sancti Guthlaci Hereford ecclesiam Sancti Michaelis de Suttona cum terris et decimis cunctisque beneficiis eidemque ecclesie pertinentibus salvo iure episcopali annuente et petente Waltero de Turri eiusdem ecclesie de Suttona patrono videlicet et advocato Concessi et abbati et monachis canonice eiusdem ecclesie introitum et ut in predicta ecclesia pro voluntate sua vicarios mittant et si legitime non servierint sub conscientia episcopi amoveant Hanc autem conventionem a me canonice factam volo et episcopali auctoritate precipio ut predicte ecclesie firma et inconvulsa in perpetuo permaneat Hiis testibus Radulfo decano Petro archidiacono Herefordensis Gilberto cantore Hamel subpriore et Patricio cellerario Hereford Radulfo decano de Weston Hugone purc sacerdote Waltero de Bromyard Ada clerico et aliis