Charter Document - 02410025
| Charter Number: | 02410025 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1143 - 1148 |
| Date type: | Assigned |
| Resource Link(s): |
|
Charter:
Robertus dei gratia Herefordensis episcopus omnibus sancte matris ecclesie filiis salutem gratiam et benedictionem Universitati vestre notum facio quod Walterus de Turri per manum meam dedit ecclesiam Sancti Michaelis [de] Suttona monachis ecclesie sanctorum apostolorum Petri et Pauli et sancti Guthlaci Heref cum omnibus pertinentiis suis libere et quiete in perpetuam elemosinam possidendam salvo iure et consuetudine episcopali concessi etiam assensu utrorumque scilicet Walteri et monachorum quod Robertus Albus eandem ecclesiam de prefatis monachis teneat quamdiu vixerit et in habitu seculari manserit Idem vero Robertus super sanctum evangelium coram me in audientia multorum iuravit quod predicte ecclesie monachis fidelis erit quod artem nec ingenium exquiret quo monachi aliquod impedimentum vel detrimentum huius possessionis incurrant Huic rei quod ita processerit testimonium perhibeo et testimonium meum sigilli mei impressione confirmo