Charter Document - 02410017
| Charter Number: | 02410017 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1134 |
| Date type: | Internal, A.D. |
| Resource Link(s): |
|
Charter:
Anno ab incarnatione domini mcxxxiiii in presentia secundi Roberti Heref episcopi apud Heref in capitulo eiusdem ecclesie facta est firma pax et bona de querela et de calumpnia illa quam de introitu ecclesie Sancti Petri de Hereford adversus abbates et monachos Glouc episcopi et canonici Heref ecclesie transactis temporibus habuerant et quicquid calumpnie vel querele de introitu predicte ecclesie abbatibus et monachis Glouc fuerat obiectum Totum hoc prefatus episcopus anno tertio sue prelationis Waltero abbati et monachis Glouc dei gratia et sua necnon et consilio Innocentii Romane ecclesie summi pontificis Willelmi Cantuar archipresulis quieti servorum dei et paci sancte ecclesie fidelius consulentium canonicorum etiam conventu Pagano Iohannis filio illius ecclesie patrono hoc ipsum approbantibus et concedentibus iuste et canonice condonavit et pacificavit Et ut illa pax absque omni querela et calumpnia inperpetuum stabilis permaneat de ecclesia Sancti Petri de Heref et omnibus beneficiis eiusdem ecclesie pertinentibus domnum abbatem Walterum in presentia canonicorum absque contradictione et calumpnia saisivit atque introitum illius in eandem ecclesiam totam atque huius concordiam auctoritate et benedictione sua et hoc sigillo ecclesie sue diligenter confirmavit Hiis t[estibus] Godfrido abbate Glouc Pagano filio Iohannis Milone constabulario Helya de Say Brione thesaurario Gilberto de Eboraco []