Charter Document - 02410014
| Charter Number: | 02410014 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1145 - 1146 |
| Date type: | Assigned |
| Resource Link(s): |
Canterbury Cathedral - Chartae Antiquae |
Charter:
Reverentissimo domino ac patri Eugenio dei gratia summo pontifici sanctitatis sue servus Robertus eadem gratia Herefordensis ecclesie dev[ot]us minister salutem cum debita obedientia Cum in omnibus veritati standum sit ibi precipue veritatis testimonio innitendum est ubi ipsa maxime periclitatur Unde cum nunc de periculo et diminutione matris nostre Cantuariensis ecclesie agi audiamus cui frater noster et coepiscopus Bernardus de Sancto David debitam ex professione subiectionis obedientiam subtrahere velle dicitur non sine periculo nostro veritatem tacere posse videmur Confidenter igitur et secure in conspectu maiestatis vestre attestamur quod retroactis temporibus inconvulsum stetisse audivimus et nostris deinceps illibatum stetisse cognovimus Predicta itaque metropolis nostra cum in multis et magnis dignitatibus pre ceteris regni nostri ecclesiis a temporibus beati Augustini Anglorum apostoli multipliciter effloruit a nobis ante hac auditum non est quin predicti Bernardus predecessores prefate metropolitane sedis archiepiscopis suffraganei obedientes extiterint et ab eis denique consecrati et illi scripto professionis obligati fuerint Ut autem et ad tempora moderna et ad hunc ipsum Bernardus redeamus ipse per impositionem manus Rad Cant archiepiscopi promotus fuisse et scripta professione que adhuc in eadem ecclesia permanere dicitur obligatus teneri dinoscitur Postmodum vero post nostram scilicet promotionem istum ad vocationes bone memorie Willelmi Cant archiepiscopi frequenter venire et eius canonicis iussionibus tanquam unum ex ceteris suffraganeis suis obedienter et sine contradictione obtemperare meminimus et vidimus Iste denique est qui a venerabili domino Alberico Hostiensi episcopo tunc apostolice sedis legato ad patris nostri Teobaldus qui nunc ordinis Cant ecclesie deo auctore presidet consecrationem evocatus tanquam suffraganeus et minister atque cooperator nobiscum astitit Ea propter cum eodem et pro eodem archiepiscopo nostro sanctitati vestre supplicantes exoramus ne suggestioni sepe dicti Bernardus que ex fabulosa antiquitate sive ex antiqua fabulositate fundamentum et initium sumit aurem accommodetis sed pretaxatam matrem nostram in dignitatum suarum statu incolumem servetis Bene valeat paternitas vestra in Cristo domine pater