Charter Document - 02410004
| Charter Number: | 02410004 |
|---|---|
| Cartulary Title: | Hereford 1079-1234 Volume 7 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1100 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis hanc cartam nostram inspecturis vel audituris Gerardus dei gratia Hereforden episcopus salutem in eo qui est vera salus animarum Universitati vestre notum facimus per presentes quod nos anno gratie millesimo centesimo idibus Iulii una cum venerabilibus fratribus nostris dominis Sampsone Wygorn Gundulfo Roffen et Herveo Bangoren coepiscopis dedicationi et consecrationi ecclesie beatorum apostolorum Petri et Pauli quam reverendus abbas Serlo in villa Glavorn construxerat nostram presentiam simul et ministerium cum omni qua potuimus exhibuisse devotione Et quia loci prefati conventus quam plures defectus ut in ornamentis ecclesie et aliis sibi necessariis patiebatur nos divine caritatis intuitu predicti conventus necessitatibus compatientes de consensu totius capituli nostri Hereforden concessimus predictis abbati et conventui Glavorn cenobii et successoribus eorum has subscriptas ecclesias perpetuis temporibus habendas et in proprios usus convertendas ad suam et ecclesie sue perpetuam sustentationem videlicet ecclesiam de Chircham cum capella de Bolleya et decimis et aliis pertinentiis suis ecclesiam de Preston cum omnibus pertinentiis suis salva honestis capellanis qui in dictis ecclesiis ministrabunt rationabili sustentatione Concessimus etiam eisdem religiosis duas marcas annue pensionis de ecclesia sancti Laurentii de Teynton et etiam perceptionem decimarum omnium terrarum suarum quas propriis laboribus vel sumptibus suis excoluerint in diocesi nostra videlicet maneriorum suorum de Hyneham et Chircham de Preston et de Brumpton de Leden et etiam duas garbas totius decime hominum suorum de Leden de Hyda salvis rectori ecclesie de Yarkulle annuatim duobus solidis et una summa frumenti de Rodelei salva rectori ecclesie de Westbury tertia garba decime provenientis de dominicis terris de Rodele Concessimus etiam eisdem omnes decimas de omnibus dominicis terris domini de Ewyas sitis in parochia de sancta Keyna et decimam cuiusdam culturein Poston Preterea omnes ecclesias decimas terras et possessiones quas hactenus in nostra dyocesi sunt adepti eis auctoritate episcopali et unanimi capituli nostri consensu confirmamus perpetuis temporibus possidendas et ut ea que premissa sunt futuris temporibus inconcussa permaneant presentem cartam nostram tam sigilli nostri quam sigilli capituli nostri Hereforden appositione duximus roborandum Teste tota synodo nostra