Charter Document - 02402335

Alexander episcopus servis servorum Dei dilectis filiis Hugonis abbati monasterii sancti Edmundi ejusque fratribus tam presentibus quam futuris Regularem vitam professis et in perpetuum religiosam vitam eligentibus apostolicum convenit presidium ne forte cujuslibet temeritatis incursus aut eos a proposito revocet aut robur quod absit religionis infringat Ea propter dilecti in Domino filii vestris justis postulationibus annuimus clementer et predecessorum nostrorum felicis memorie Lucii et Adriani Romanorum pontificum vestigiis inherentes prefatum beati Edmundi gloriosissimi regis et martiris Christi monasterium regia libertate donatum in quo divino mancipati estis obsequio sub beati Petri et nostra protectione suscipimus et presentis scripti privilegio communimus statuentes ut quecumque bona idem monasterium inpresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis Deo propitio poterit adipisci firma vobis vestrisque successoribus illibata permaneant In quibus hec propriis duximus exprimenda vocabulis ecclesiam de Rucham ad conventus villam de Chebenhale ad usum hospitalitatis terram de Sabricesworth ad usum hospitalitatis Munnehale ad lumen altaris Cunegestone Culeford molendinum de Babbewelle et terram de Saxham ad mensam et cameram abbatis Ecclesiam de Wlpet cum vacaverit in usus fratrum redire statuimus Ecclesiam de Cottonne in advocatione et dispositione abbatis et conventus sicut rationabiliter institutum est decernimus permanere Ea vero que alii abbates predecessores tui dilecte in Domino fili Hugo abbas in denariis cibariis et potu cum multo gravamine fratrum a cellerarie monachorum quondam solebant exigere sicut a te rationabiliter remissa sunt et statuta ita nos apostolica auctoritate confirmamus Preterea censemus ut idem monasterium ab omnium secularium jugo liberum in perpetuum in ea libertate servetur qua egregie recordationis Willelmus rex illud invenit et a tempore suo esse constituit Crisma vero oleum sanctum consecrationes altarium basilicarum et tabularum ordinationes monachorum et clericorum vestrorum qui ad sacros ordines promovendi fuerint et cetera episcopalia sicut in antiquis ecclesie vestre privilegiis continetur a quocunque malueritis catholico recipiatis episcopo dummodo gratiam apostolice sedis habuerit Qui nostra fultus auctoritate quod postulatur indulgeat Ad hec possessiones ad victum monachorum ipsius monasterii a bone memorie Ordingo ejusdem monasterii abbate rationabili dispositione specialiter assignatas alienari penitus interdicimus sed ad illorum usus pro quorum utilitate assignate noscuntur integre perpetuis temporibus et illibate serventur Processiones quoque quas in solemnibus diebus Pentecostes idem monasterium hactenus habuisse dinoscitur nihilominus in habere mandamus Obeunte vero te nunc ejusdem loci abbate vel tuorum quolibet successorum nullus ibi qualibet surreptionis astatie seu violentia preponatur nisi quem fratres communi consensu vel fratrum pars consilii sanioris secundum Dei timorem et beati Benedicti regulam providerint eligendum Liceat etiam vobis in gravioribus ecclesie vestre negotiis libere apostolicam sedem appellare Decernimus ergo ut nulli omnino hominum liceat prefatam monasterium temere perturbare aut ejus possessiones auferre vel ablatas minuere retinere seu quibuslibet vexationibus fatigare sed omnia integra conserventur eorum pro quorum gubernatione ac sustentatione concessa sunt usibus omnibus profutura salva in omnibus apostolice sedis auctoritate Si qua ergo in futurum ecclesiastica secularisve persona hanc nostram constitutionis paginam sciens contra eam temere venire temptaverit secundo tertiove commonita nisi presumptionem suam congrua satisfactione correxerit potestatis honorisque sui dignitate careat reamque divino judicio existere de perpetrata iniquitate cognoscat et a sacratissimo corpore et sanguine Domini et Dei redemptoris nostri Jhesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jhesu Christi quatinus et hic fructum bone actionis percipiat et apud districtam judicem premia eterne pacis inveniat Amen Ego Alexander catholice ecclesie episcopus subscribo Ego Gregorius Sabinensis episcopus subscribo Ego Hubaldus Hostiensis episcopus subscribo Ego Bernardus Potuensis et Sancte Ruffine episcopus subscribo Ego Gualterus Albanensis episcopus subscribo Ego Hubaldus presbyter cardinalis Sancte Crucis in Jerusalem subscribo Ego Johannes presbyter cardinalis tunc Sancte Anastasie subscribo [] Datum per manum Hermanni sancte Romane ecclesie subdiaconi et notarii ij idus Januarii indictione decima incarnationis Dominice MCLXI pontificatus vero domini Alexandri pape tertij anno tertio