Charter Document - 02401269
| Charter Number: | 02401269 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1188 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Universis notum esse volumus quod nos ad presentationem A priorisse et conventus sanctimonialium de Etune ad quas capella sancti Petri de Sudbiri pertinet canonice concessimus et dedimus Petro de Spikeswurd clerico eiusdem capelle perpetuam vicariam reddendo annuatim de eadem capella et omnibus ad eam pertinentibus viginti solidos nomine pensionis prefatis sanctimonialibus ad synodum scilicet Suffolchie proximam post Pascha Et ut hec nostra concessio perpetuam firmitatem optineat eam presenti scripto et sigilli nostri appositione confirmamus T[estibus] magistro Willelmo de Len magistro Waltero de Calna Eustachio capellano Widone clerico Iohanne de Abbendune