Charter Document - 02401112
| Charter Number: | 02401112 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1161 - 1173 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Willelmus Dei gratia Norwicensis episcopus salutem Futuris litibus prestat materiam qui rerum gestarum occultat memoriam Eapropter ad universorum fidelium notitiam pervenire volumus quod Galfridus filius Iordani de Colvestona propter controversiam que vertebatur inter ipsum et dilectos fratres nostros monachos sancti Pancratii ad nostram accedens presentiam certis rationibus cognita veritate compertaque iustitia cause predictorum fratrum monachorum de ecclesia de Colveston confessione propria et spontanea protestatus est se nichil iuris in prescripta ecclesia de Colvestona habuisse et si quid iuris ad eum pertinet in perpetuum eis cessit et concessit et in manu nostra liberum et quietum eis dimisit nulloque tempore se moturum de ea controversiam neque de pertinentiis eius fide sua prestita corporaliter affidavit Unde non inmerito eandem ecclesiam cum omni iure suo et pertinentiis suis ei abiudicavimus et fratres sancti Pancratii ab eius impetitione prorsus absolvimus Et ad perpetuam huius rei geste evidentiam presentis scripti attestationem confecimus et sigillo nostro corroboravimus Testibus Iordano priore de Acra magistro Stangrimo Radulfo de Albeni magistro Roberto de Waxtonesham magistro Reinerio Rogero notario Ricardo de Refham Warino de Rising Herberto de Illincton Roberto de Pagrava et Rogero fratre eius Willelmo Britone Ricardo filio Gilleberti de Rising et Willelmo fratre eius et aliis multis