Charter Document - 02400434
| Charter Number: | 02400434 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1177 - 1207 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Eorum nos convenit utilitatibus special ius intendere et providere quos in sancta ecclesia religiose conversationis studium Deo reddit acceptos et bone opinionis fragrantia hominibus exhibet plurimum commendandos Sanctam itaque conversationem dilectorum filiorum canonicorum de Rudham propensius intuentes quodque ad sustentationem suam nec redditus suppetunt nec facultates abundant pietatis intuitu et religionis favore eis medietatem ecclesie de Bradefeld cum omnibus ad ipsam pertinentibus in usus proprios perpetuo possidendam dedimus concessimus et confirmavimus petitione et presentatione Michaelis Beleth eiusdem medietatis patroni Et ut hec nostra confirmatio stabilis et illibata perseveret eam presenti scripto et sigilli nostri patrocinio communimus