Charter Document - 02400426
| Charter Number: | 02400426 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1211 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens carta pervenerit Iohannes Dei gratia Norwicensis episcopus salutem in Domino Noverit universitas vestra nos ad petitionem patroni ecclesie omnium sanctorum de Linn divino intuitu dedisse concessisse et confirmasse priori et canonicis de Westacra ipsam ecclesiam omnium sanctorum cum omnibus ad eam pertinentibus in proprios usus post decessum magistri Gilleberti de Hutemanyn et Iohannis perpetuo possidendam salvo ipsis magistro G et Iohanni iure suo quod habent in eadem ecclesia quoad vixerint salva honesta et competenti sustentatione perpetui vicarii in eadem ecclesia ministraturi per nos vel successores nostros ordinanda salvo etiam nobis et successoribus nostris in perpetuum iure pontificali et parochiali Hiis testibus magistro Rannulfo de Herpel magistro Roberto de Tiwe Bartholomeo de Camera Ricardo de Mida Germano de Bradested Rogero de Suhampton Data per manum nostram apud Cestr iiii idus Iulii pontificatus nostri undecimo