Charter Document - 02400414
| Charter Number: | 02400414 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 - 1214 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus eternam in Domino salutem Ad universorum volumus pervenire notitiam nos pietatis intuitu et religionis favore canonice confirmasse dilectis nostris in Christo monachis de Ramesia annuam pensionem trium marcarum quam consueverunt de ecclesia de Burewelle percipere et pensionem unius marce annue que eis debet inde ecclesia de Depedale in perpetuum possidendam Et hanc nostram confirmationem ut perpetua et illibata perseveret in posterum presenti scripto et sigilli nostri patrocinio communimus sicut in autentico venerabilis I quondam Norwicensis episcopi primi continetur Hiis testibus Iordano capellano Roberto de Rudeby magistro Gaufrido de Derham magistro Ambrosio magistro Willelmo de Conchis magistro Randulfo de Harpesle Iohanne de Huffintune