Charter Document - 02400403
| Charter Number: | 02400403 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1205 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Iohannes Dei gratia Norwicensis episcopus salutem in Domino Noverit universitas vestra nos divine pietatis intuitu dedisse concessisse et assignasse et presenti carta confirmasse dilectis filiis nostris monachis Norwicensibus ecclesiam de Lakeham cum omnibus ad eam pertinentibus ad opus kamere sue in proprios usus in perpetuo possidendam salvo nobis et successoribus nostris inperpetuum iure pontificali et parochiali Indulsimus etiam eis quod si istam ecclesiam aliquo casu vacare contigerit liceat predictis monachis vacuam possessionem eiusdem ecclesie ingredi hac auctoritate a nobis eis indulta et facient in eadem ecclesia competenter ministrari per capellanos suos pro rationabili voluntate sua amovendos et admittendos Hiis testibus magistro Willelmo de Len magistro Alexandro de sancto Albano magistro Roberto de Tywa Roberto de Durhean David de Rutheb Alano de sancto Edmundo Henrico filio Simeonis Bernardo de Scroutebi Roberto senescallo Henrico Gemun