Charter Document - 02400398
| Charter Number: | 02400398 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1205 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Iohannes Dei gratia Norwicensis episcopus salutem in Domino Noverit universitas vestra nos divine pietatis intuitu concessisse et assignasse et presenti carta confirmasse dilectis filiis nostris monachis Norwicensibus ecclesiam de Hindringeham cum omnibus ad eam pertinentibus ad officium celerarie sue in proprios usus inperpetuum possidendam salvo nobis et successoribus nostris in perpetuum iure pontificali et parochiali Indulsimus etiam eis quod cum istam ecclesiam aliquo casu vacare contigerit liceat predictis monachis vacuam eiusdem ecclesie possessionem ingredi hac auctoritate a nobis eis indulta et faciant in eadem ecclesia competenter ministrari per capellanos suos pro rationabili voluntate sua admittendos et amovendos Hiis testibus magistro Willelmo de Len magistro Alexandro de sancto Albano magistro Roberto de Tywa Roberto de Dunelmo David de Ruddebi Alano de sancto Eadmundo Henrico filio Symeonis Bernardo de Scrotesbi Roberto senescallo Henrico Gernun