Charter Document - 02400397
| Charter Number: | 02400397 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1205 |
| Date type: | Assigned |
| Resource Link(s): |
Reference Document for this Embedded Document Reference Document for this Embedded Document |
Charter:
Omnibus sancte matris ecclesie filiis Iohannes Dei gratia Norwicensis episcopus salutem in Domino Noverit universitas vestra nos divine pietatis intuitu dedisse concessisse et assignasse et presenti carta confirmasse dilectis filiis nostris monachis Norwicensibus ecclesiam de Hildolvestun cum omnibus ad eam pertinentibus ad officium cellararie sue in proprios usus inperpetuum possidendam salvo nobis et successoribus nostris inperpetuum iure pontificali et parochiali Indulsimus etiam eis quod si istam ecclesiam aliquo casu vacare contigerit liceat predictis monachis vacuam eiusdem ecclesie possessionem ingredi hac auctoritate a nobis eis indulta et facient in eadem ecclesia competenter ministrari per capellanos suos pro rationabili voluntate sua amovendos et admittendos Hiis testibus magistro Willelmo de Len magistro Alexandro de sancto Albano magistro Roberto de Tywa Roberto de Durham David de Rutebi Alano de sancto Edmundo Henrico filio Simeonis Bernardo de Scroubi Roberto senescallo Henrico Gernun