Charter Document - 02400385
| Charter Number: | 02400385 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1205 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis Iohannes Dei gratia Norwicensis episcopus salutem in Domino Noverit universitas vestra nos divine pietatis intuitu concessisse et presenti carta confirmasse dilectis filiis nostris monachis Norwicensibus ecclesiam sancte Margarete de Len cum omnibus spiritualibus ad eam pertinentibus tam in decimis quam in oblationibus et aliis omnibus obventionibus spiritualibus cum capellis suis scilicet sancti Iacobi et sancti Nicholai in proprios usus imperpetuum possidendam et ecclesiam de Mitling cum omnibus ad eam pertinentibus et omnes decimas de dominio nostro de Gaiwde preter illas que ad ecclesiam sancte Fidis de Gaiwde pertinent ita ut faciant in predictis ecclesiis et capellis ministrari competenter per cappellanos suos pro rationabili voluntate sua amovendos et admittendos et ita quod nulli nisi soli episcopo in curia sua propria si voluerit ad usus suos sicuti in aliis maneriis suis habet liceat infra parochias predictarum ecclesiarum de Len et Mitling capellam aliquam preter autoritatem episcopalem et consensum prioris et monachorum construere et siqua constructa fuerit in proprios usus cedat monachorum in omnibus suprascriptis salvo nobis et successoribus nostris iure pontificali et parochiali inperpetuum Et ut hec nostra concessio et confirmatio firma et stabilis imperpetuum perseveret eam presenti scripto et sigilli nostri appositione corroboramus Hiis testibus magistro Willelmo de Len magistro Roberto de Gloucest magistro Roberto de Tiwa Alano de Grai Alano de sancto Edmundo Dat apud Norwicum per manum magistri Galfridi de Derham xvi kalendas Iunii pontificatus nostri anno quinto