Charter Document - 02400383
| Charter Number: | 02400383 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1205 |
| Date type: | Internal, Calendar, Episcopal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Noverit universitas vestra inter nos et dilectos filios nostros W priorem et monachos Norwicenses ita convenisse scilicet quod pro nundinis quas habebant annuatim apud Lin sive Geywde et pro toto proventu eorum et pro mercato diei sabbati quod habebant singulis ebdomadis ibidem et etiam quocumque alio die in ebdomada et pro placitis et perquisitionibus omnimodis quas habebant in eadem villa ratione laici feodi et pro mesagio quod iuxta capellam sancti Nicholai situm est versus occidentem quod tenent ad firmam Robertus de Thornham et Petrus filius Galfridi de Oxenford pro tribus marcis annuis et pro mesuagio iuxta pontem de Puflet quod tenet in feodo Albertus pro duabus marcis annuatim persolvendis et pro omnibus salinis quas in predictis villis habebant et pro omnibus proventibus earum salinarum et pro dimidia marca argenti quam consuevit prior de Len percipere per manum decani de Lenn et pro teloneo quod ibi habere solebant et pro laicis redditibus assisis qui ad prioratum de Len pertinebant sive in villa sive extra omnibus preter Hagelose et pro toto laico feodo quod in villa de Len vel extra Len ad prioratum de Lenn pertinebat et omnibus in de proventibus dedimus et concessimus et assignavimus eis in escambium quicquid habuimus in manerio de Sechesford et quicquid habuimus in manerio de Cressigham preter advocationem ecclesie eiusdem ville et preter servitia militaria in eisdem villis vel ad illas ville pertinentiis ita quod neque nos nec aliquis successorum nostrorum nec aliquis ballivorum nostrorum de hiis maneriis vel eorum pertinentiis que monachis remanent possit se intromittere nec aliquid inde exigere salva nobis et successoribus nostris in perpetuum auctoritate et dignitate in hiis maneriis quam habemus in aliis maneriis eorundem monachorum Et ut hec donatio nostra et concessio firma et illibata permaneat eam sigilli nostri appositione corroboramus Hiis testibus Iohanne de Corneres Nicholao de Limesy Hugone de Munteny Ricardo Furm Waltero de Langedun Rogero forestario Roberto de Neutun Willelmo de Granario Ricardo portario Henrico Gernun Dat apud Norwicum per manum magistri G de Derham xvi kalendas Iunii pontificatus nostri anno quinto