Charter Document - 02400378
| Charter Number: | 02400378 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1205 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis Iohannes Dei gratia Norwicensis episcopus salutem in Domino Noverit universitas vestra nos divine pietatis intuitu dedisse concessisse et presenti carta confirmasse et assignasse Deo et ecclesie sancte Trinitatis Norwicensi ecclesiam omnium sanctorum de Scroutebi post decessum Rannulfi Puterel persone eiusdem ecclesie ad officium sacristarie in proprios usus inperpetuum possidendam salva pensione quinque solidorum quam celerarius Norwicensis per manum sacriste de eadem ecclesia percipiet annuatim salvo nobis et successoribus nostris inperpetuum iure pontificali et parochiali indulsimus etiam quod si istam ecclesiam aliquo casu vacare contigerit ut liceat predicto sacriste possessionem suam ingredi hac auctoritate ei a nobis indulta Hiis testibus magistro Willelmo de Len magistro Roberto de Gloucestr magistro Roberto de Tywa Alano de Gray Alano de sancto Edmundo Dat apud Norwicum per manum magistri Galfridi de Derham xi kalendas Aprilis pontificatus nostri anno v