Charter Document - 02400375
| Charter Number: | 02400375 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1205 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis Johannes Dei gratia Norwicensis episcopus salutem in domino Noverit universitas vestra nos divine pietatis intuitu dedisse et concessisse et assignasse et presenti carta confirmasse Deo et ecclesie sancte Trinitatis Norwicensi et monachis ibidem Deo servientibus ecclesiam sancti Stephani in Norwico post decessum Johannis de Hastinge persone eiusdem ecclesie ad officium camerarie eiusdem ecclesie ad vestitum monachorum in proprios usus inperpetuum possidendam salva pensione triginta solidorum quam celerarius Norwicensis per manum camerarii percipiet annuatim de eadem ecclesia et salvo nobis et successoribus nostris inperpetuum jure pontificali et parochiali Indulsimus etiam quod si istam ecclesiam vacare contigerit ut liceat predicto camerario vacuam eiusdem ecclesie possessionem ingredi hac auctoritate a nobis eis indulta Hiis testibus magistro Willelmo de Len magistro Roberto de Gloucestre magistro Roberto de Tywa Alano de Gray Alano de sancto Edmundo Data apud Norwicum per manum Galfridi de Derham xi kalendas Aprilis pontificatus nostri anno quinto