Charter Document - 02400371
| Charter Number: | 02400371 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1204 |
| Date type: | Internal, Calendar, Episcopal |
| Resource Link(s): |
|
Charter:
Omnibus ad quos presens scriptum pervenerit Iohannes Dei gratia Norwicensis episcopus salutem in Domino Noverit universitas vestra nos concessisse et presenti carta confirmasse ville nostre de Len scilicet toti parrochie ecclesie sancte Margarete in eadem villa et omnibus hominibus in eadem parrochia manentibus omnes et easdem libertates quas habent burgenses de Oxeneford quia dominus rex nobis per cartam suam concessit ut eligeremus burgum in Anglia quemcunque vellemus ut easdem libertates quas burgus ille habet haberet et villa nostra de Len et nos eligimus Oxenefordiam Et ideo volumus quod eadem villa liber sit burgus et easdem habeat libertates quas habet burgus de Oxeneford in omnibus salvis nobis et successoribus nostris in perpetuum omnibus libertatibus et consuetudinibus quas habuimus et habemus in villa nostra de Len secundum quod carta domini regis Anglie Iohannis testatur quam nobis fecit de libertatibus eidem burgo collatis Quare volumus et precipimus ut predicti burgenses habeant et teneant omnes res et possessiones suas libere et quiete honorifice plenarie et integre secundum quod supradiximus Hiis testibus Galfrido archidiacono Norwicensi Thoma fratre suo magistro Willelmo de Len magistro Roberto de Gloucestr Rannulfo de Harpel Iordano capellano Iohanne de Uffint Henrico filio Simeonis Roberto de Gray Nicholao de Limesi Ricardo Basset Reginaldo de Nottingeh et multis aliis Dat apud Londonias per manum magistri Galfridi de Derham nono kalendas Aprilis pontificatus nostri anno quarto