Charter Document - 02400369
| Charter Number: | 02400369 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1201 |
| Date type: | Internal, Calendar, Episcopal |
| Resource Link(s): |
|
Charter:
Universis Christi fidelibus ad quos presentes littere pervenerint Iohannes Dei gratia Norwicensis episcopus salutem in Domino Noverit universitas vestra nos divine pietatis intuitu concessisse et presenti carta confirmasse Deo et ecclesie sancte Fidis de Luggevill et monachis Deo servientibus ut in ecclesia de Stokesbi singulis annis nomine pensionis quinque marcas argenti percipiant medietatem scilicet in sinodo sancti Michaelis et alteram medietatem in sinodo Paschali percipiendas per manum illius qui ad eorum presentationem canonicam a nobis vel successoribus nostris in eadem ecclesia vicarius perpetuus canonice fuerit institutus salvo nobis et successoribus nostris in perpetuum iure pontificali et parochiali Hiis testibus Galfrido Norwic archidiacono Galfrido archidiacono Sutfolc magistro Willelmo de Linn magistro Radulfo de Licchel magistro Roberto de Glouc magistro Thoma de Weston Iohanne de Uffinton Dat Blafeld per manum magistri R de Wellop viii kalendas Iunii pontificatus nostri anno primo