Charter Document - 02400366
| Charter Number: | 02400366 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1213 |
| Date type: | Internal, Calendar, Episcopal |
| Resource Link(s): |
|
Charter:
Omnibus Christi matris ecclesie filiis ad quos presens scriptum pervenerit Iohannes Dei gratia Norwicensis episcopus salutem in Domino Noverit universitas vestra nos ad presentationem Simonis persone de Letton de assensu et voluntate prioris et conventus de Lewes ecclesie eiusdem patronorum divino intuitu concessisse dedisse et hac presenti carta confirmasse dilecto in Christo filio magistro Ricardo de Kenilwrthe perpetuam vicariam predicte ecclesie cum omnibus ad eandem pertinentibus ipsumque in eadem canonice perpetuum vicarium instituisse solvendo inde annuatim dicte ecclesie pensione unum aureum nomine pensionis ad synodum Paschalem Norwyc salva debita et antiqua pensione priori et monachis de Lewes quam in eadem ecclesia habere consueverunt salvo etiam nobis et successoribus nostris imperpetuum iure pontificali et parochiali Hiis testibus magistro Ranulfo de Harpel magistro Roberto de Tywa magistro Gaufrido de Neketon magistro Andrea de Fordham magistro Willelmo de Argenthon magistro Edmundo de sancto Amando Ricardo Colet at aliis Dat per manum nostram apud Gypvic sub privato sigillo venerabilis fratris nostri Henrici Dubliniensis archiepiscopi pridie kalendas Iunii pontificatus nostri anno xiii