Charter Document - 02400356
| Charter Number: | 02400356 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1204 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Iohannes Dei gratia Norwicensis episcopus salutem in Domino Noverit universitas vestra nos intuitu Dei ad presentationem Iohannis de Offinton persone ecclesie de Neteshird per assensum abbatis et monachorum de Hulm patronorum eiusdem ecclesie concessisse dedisse et presenti carta confirmasse Radulfo de Neteshird capellano perpetuam vicariam ecclesie de Neteshird cum omnibus ad illam pertinentibus ita scilicet quod ipse ecclesiam illam tenebit tota vita sua cum omnibus ad eam pertinentibus solvendo inde annuatim predicto Iohanni nomine pensionis tanquam persone illius ecclesie duos solidos ad duas sinodos Norf preter duas marcas annuas quas idem Radulfus solvet monachis sancti Benedicti de Hulm per manum prefati Iohannis quas ipsi inde percipere consueverunt salvo nobis et successoribus nostris iure pontificali et parrochiali Testibus magistris R de Gloec Ranulfo de Harpelay G de Hemelinton G de Dierham D de Ruddebi et Iordano capellanis G de Tademareton magistro Samuel Thoma de Walton Adam Grosso Willelmo pincerna Henrico stabulario Datum per manum nostram apud Norwicum tertia die Iulii pontificatus nostri anno quarto