Charter Document - 02400352
| Charter Number: | 02400352 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1204 - 1209 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit I Dei gratia Norwicensis episcopus salutem in Domino Cum pium sit et Deo placitum sic religiosorum providere profectibus et immunitionibus subvenire et eorum maxime qui vel ex sua novitate vel ex sue fundationis insufficientia non sunt adepti vite necessaria quatinus et ex pia provisione et circumspectione provida cum maiori tranquillitate et pace possideant que ex pia fidelium largitione sunt assecuti et benefacientibus non relinquitur opportunitas quod pie largiti sunt temeritate vel instinctu quolibet revocandi ad universitatis vestre cupimus pervenire notitiam nos ob favorem religionis que domum de Hikeling que novella satis est plantatio divino munere reddit insignem necnon et divini amoris affectum confirmasse canonicis ibidem Deo servientibus patronatum ecclesie de Palling quem Bartholomeus de Beilham eis pietatis intuitu concessit inperpetuum et carta sua confirmavit Quod ut processu temporis nulli veniat in dubium presentem cartam nostram sigilli nostri patrocinio munitam eis in de reliquimus in testimonium T[estibus] [] Dat []