Charter Document - 02400344
| Charter Number: | 02400344 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1211 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens carta pervenerit Iohannes Dei gratia Norwicensis episcopus salutem in Domino Ad universorum volumus notitiam pervenire nos ad presentationem Nicholai persone ecclesie sancti Martini de Donewyc de assensu et voluntate prioris et monachorum de Eya eiusdem ecclesie patronorum dedisse concessisse et hac presenti carta nostra confirmasse Petro de Donewyc clerico vicariam eiusdem ecclesie cum omnibus ad eam pertinentibus ipsumque in eadem vicarium perpetuum canonice instituisse solvendo inde annuatim dicte ecclesie persone unum aureum nomine pensionis ad synodum Suff salva prefatis monachis debita et antiqua pensione quam in eadem ecclesia percipere consueverunt salvo etiam nobis et successoribus nostris inperpetuum iure pontificali et parrochiali Hiis testibus magistro R de Harpele magistro Galfrido de Necketon magistro Eadmundo de sancto Amando Iohanne de Uffinton Germano de Bradested Matheo de Wynterburn Dat per manum nostram aput Helmham viii kalendas Novembris anno pontificatus nostri xii