Charter Document - 02400341
| Charter Number: | 02400341 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1201 |
| Date type: | Internal, Episcopal, Feast |
| Resource Link(s): |
|
Charter:
Omnibus Christi fidelibus ad quos presens scriptum pervenerit I Dei gratia Norwicensis episcopus eternam in Domino salutem Noverit universitas vestra nos divine pietatis intuitu ad presentationem dilectorum filiorum prioris et conventus monachorum de Acra dedisse et concessisse et presenti carta confirmasse dilecto in Christo filio Willelmo de Crakeford clerico personatum ecclesie de Fulmodestun ipsumque in eadem canonice personam instituisse salva vicaria Galfridi archidiaconi Suthfolch et salva pensione annua quam dicti prior et conventus in eadem ecclesia habere dinoscuntur salvo etiam nobis et successoribus nostris inperpetuum iure pontificali et parochiali Hiis testibus G de Burgo Norwic archidiacono magistro W de Litton magistro Roberto de Glouc magistro W de Conch I de Uffinton Dat Norwicum per manum magistri Roberti de Wellop die dominica proxima ante festum sancti Michaelis pontificatus nostri anno secundo