Charter Document - 02400336

I Dei gratia Norwycensis episcopus dilecto in Christo filio magistro R officiali suo salutem et benedictionem Satis memoriter retinemus quod dilecti nobis in Christo fratres nostri monachi sancti Edmundi ecclesiam sancte Marie de Wlpet in proprios usus a nobis habeant confirmatam salva vicaria decem marcarum illius scilicet qui residentiam in eadem ecclesia tenetur facere Quare volumus et firmiter precipimus tibi fili carissime ut eadem vicaria ita rationabiliter assignetur ne gratia quam idem monachi magistro Edmundo clerico nostro ob amorem et petitionem nostram fecerunt processu temporis eisdem vertatur in incommodum Unde mandamus tibi firmiter iniungentes quatinus alteragium de parochianis ecclesie eiusdem proveniens et liberam terram predicte ecclesie ita rationabiliter ad estimationem virorum prudentium qui rei illius notitiam habent extendi facias ut illud vicario qui in eadem ecclesia debet ministrare sub pretaxatione debita possis assignare et quod eidem de pensione decem marcarum defuerit per manum illius quia predicte ecclesie loco procuratoris a conventu fuerit constitutus de residuis obventionibus ad eandem ecclesiam annuatim recipiat pertinentibus ita quod predicto conventui remaneant decime segetum et oblationes peregrinorum salva tamen per omnia vicaria pretaxata Valete