Charter Document - 02400332
| Charter Number: | 02400332 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1205 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Iohannes Dei gratia Norwycensis episcopus salutem in Domino Cum singularum nostre diocesis ecclesiarum parochialium ad nos specialiter et precipue cura pertineat et ordinatio in earum collatione nos decet attentius providere quatinus talibus conferantur vel in usus proprios confirmentur habende qui non solum de cura animarum sibi commissa existant solliciti verum tam honeste religionis quam hospitalitatis gratia credantur insignes Attendentes igitur favorem religionis et hospitalitatis affectum que in domo sancti Eadmundi tam laudabiliter quam habunde Dei gratia vigere noscuntur ecclesiam de Mildenhale cum omnibus ad eam pertinentibus abbati et conventui sancti Eadmundi in usus proprios pie et misericorditer duximus confirmandam salva pensione trium marcarum abbati et conventui de Bello per manum cellerarii sancti Eadmundi de eadem ecclesia annuatim persolvenda et salva vicaria perpetua viginti marcarum per nos et omnes successores nostros perpetuo vicario conferenda qui vicarius in eadem ecclesia ministraturus omnia onera episcopalia sustinebit salvo quoque nobis et successoribus nostris iure parochiali et pontificali Hiis testibus magistro H archidiacono de Richemund Roberto Glouc Gaufrido de Derham Roberto de Tiwa Vincentio Humfrido capellanis David de Ruddeby Alano de sancto Edmundo et Iohanne de Derham clericis et aliis Dat per manum magistri Gaufridi de Dierham vicesimo tertio die Augusti apud Gipeswyk pontificatus nostri anno quinto