Charter Document - 02400326
| Charter Number: | 02400326 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1211 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens carta pervenerit Iohannes Dei gratia Norwicensis episcopus salutem in Domino Noverit universitas vestra nos ad instantiam et petitionem Roberti filii Walteri et Gonnore de Valon uxoris sue intuitu Dei confirmasse Deo et ecclesie beate Marie de Binham et monachis ibidem Deo [servientibus et] servituris quinque marcas in ecclesia de Baketon singulis annis in perpetuum ad duas sinodas Suffolchie nomine beneficii post decessum Rogeri archidiaconi eiusdem ecclesie rectoris percipiendas ita quod cum ecclesiam illam per decessum predicti Rogeri vacare contigerit nos ad presentationem predictorum Roberti filii Walteri et Gunnore de Valon uxoris sue et heredum suorum ad residuum ecclesie predicte personam idoneam admittemus salvo prefatis monachis predictarum quinque marcarum annuo beneficio per manum eiusdem ecclesie rectoris sicut predictum est percipiendo salvo etiam nobis et successoribus nostris in perpetuum iure pontificali et parochiali Hiis testibus magistro Edmundo de sancto Amando Germano de Bradested Alano de Sancto Edmundo Rogero de Suthamton Matheo de Wynterbum Dat per manum nostram London viii idus Septembris pontificatus nostri anno xi