Charter Document - 02400318
| Charter Number: | 02400318 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1182 - 1189 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Omnibus notum esse volumus nos concessisse et dedisse Roberto clerico de Wimundham perpetuam vicariam ecclesie sancti Andree de Coletune et ipsum in ecclesia eadem canonice vicarium perpetuum instituisse ad presentationem magistri Amicii eiusdem ecclesie persone assensu Donati prioris et conventus de Wimundham ad quos iam dicta spectat ecclesia solvendo etiam annuatim persone ipsius ecclesie quatuor marcas nomine pensionis scilicet ii ad sinodum post Pascha et ii post festum sancti Michaelis ad synodum et duas marcas dicto priori et conventui ad eosdem terminos nomine beneficii Et ut hec nostra concessio et institutio perpetuam habeat firmitatem eam presenti scripto et sigilli nostri appositione roboravimus Testibus Thoma et Iohanne archidiaconis magistro Nicholao Thoma Britone magistro Roberto de Waxtonesh Eustachio capellano magistro Gervasio et magistro Waltero de Calna