Charter Document - 02400317
| Charter Number: | 02400317 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1186 - 1189 |
| Date type: | Assigned |
| Resource Link(s): |
|
Charter:
Omnibus Christi fidelibus Iohannes Dei gratia Norwicensis episcopus salutem in Domino Omnibus notum esse volumus quod cum accepissemus dilectum filium nostrum Willelmum illustrem comitem Sussexie dedisse dilectis filiis nostris monachis de Wimundham presentationem ecclesie de Norwttun quam donationem nos ratam habuimus cum hoc nobis constaret tam ex carte ipsius comitis inspectione quam ex illius et hominum suorum viva voce ad presentationem predictorum monachorum Danielem clericum de Merlai in predicta ecclesia personam canonice instituimus Concessimus etiam pietatis intuitu ut idem Daniel unum bisantium memoratis monachis de predicta ecclesia annuatim persolvat scilicet ad synodum pasche Et ut hec nostra concessio perpetuam habeat firmitatem eam presenti scripto et sigilli nostri appositione confirmamus Testibus Thoma archidiacono Gaufrido capellano magistro Reinero magistro Roberto de Waxton Thoma Britton magistro Lamberto magistro Waltero de Calna Simone clerico