Charter Document - 02400310
| Charter Number: | 02400310 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1198 |
| Date type: | Internal, A.D., Calendar |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Ad universorum volumus pervenire notitiam nos concessisse et dedisse venerabili viro Waltero Dei gratia abbati et canonicis de Waltham et eorum successoribus ecclesiam de Geist vacantem et ipsos ad eandem ecclesiam vacantem ad presentationem et petitionem Eborardi filii Radulfi eiusdem ecclesie patroni recepisse et in ea canonice instituisse Pietatis quoque intuitu ac religionis favore ipsis concessimus ut imperpetuum eandem ecclesiam cum capella de Geistetorp et omnibus aliis ad illam pertinentibus in usus suos proprios post decessum Galfridi de Geist perpetui vicarii eiusdem ecclesie integre habeant teneant ac possideant salva dignitate honore reverentia et debitis consuetudinibus sancte Norwicensis ecclesie et competenti sustentatione vicarii qui in eadem ecclesia ministrabit Et ut hec nostra concessio et institutio perpetuam optineat firmitatem eam presenti scripto et sigilli nostri appositione corroboramus Testibus Gaufrido archidiacono magistro Willelmo de Len Eustachio capellano magistro Lamberto magistro Waltero de Calna Roberto de Chipeham magistro Gervasio Dat apud Gipeswic anno ab incarnatione Domini milesimo cxcviii vi kalendas Maii