Charter Document - 02400309
| Charter Number: | 02400309 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1193 - 1198 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Et suscepte sollicitudinis nos compellit officium et potissimum sancte religionis nos favor inducit eorum qui perfectionis iter arripuerunt et seculi huius blandimentis noxiis contemptis elegerunt abiecti esse in domo Domini provectibus cum omni vigilantia intendere et ea que divine pietatis intuitu ad eorum sustentationem sincera fidelium rationabiliter contulit devotio ut perpetua firmitate subnixa perseverent auctoritatis eis nostre munimine corroborare Eapropter ad omnium volumus notitiam pervenire nos canonice concessisse et dedisse et presenti carta nostra confirmasse dilectis nostris canonicis de Waltham ecclesias subscriptas cum omnibus ad ipsas pertinentibus scilicet ecclesiam sancti Andree de Geiste et ecclesiam omnium sanctorum de Geistetorp et tertiam partem ecclesie sancti Petri de Nortun ex donatione Everardi filii Radulfi de Geiste earum ecclesiarum et dicte tertie partis ecclesie sancti Petri de Nortun patroni in usus suos perpetuo habendas et possidendas cum omnibus pertinentiis suis post decessum clericorum qui nunc eas possident scilicet Warnerii de Geiste et Walteri de Geistetorp et Galfridi filii dicti Warnerii et Galfridi filii Willelmi de Binetre persone memorate tertie partis ecclesie sancti Petri de Nortun sicut in cartis prefati donatoris et Rogeri filii eius et heredis continetur salva honesta et sufficienti rectorum sustentatione qui in prenominatis ecclesiis et sepedicta tertia parte ecclesie sancti Petri de Nortun ministrabunt salvis quoque honore et reverentia obedientia et debitis consuetudinibus sancte Norwicensis ecclesie Testibus hiis Radulfo Herefordensi archidiacono magistro Ricardo cancellario domini Cantuariensis magistro Symone de Sywell magistris Godefrido de Wisebeche Lamberto Waltero de Calna Gervasio Roberto de Chipeham