Charter Document - 02400307
| Charter Number: | 02400307 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1197 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Ad universorum volumus devenire notitiam Willelmum de Draitun die martis proxima post diem Pasche apud Norwicum in presentia venerabilis in Christo patris et domini nostri H Dei gratia Cantuariensis archiepiscopi et apostolice sedis legati in manu nostra concessisse et dedisse quantum ad patronum pertinet Deo et ecclesie sancte crucis de Waltham et canonicis ibidem Deo servientibus medietatem ecclesie de Skerninges que de ipsius est advocatione Nos quoque ad eiusdem Willelmi presentationem prefatis canonicis eandem medietatem concessimus canonice et confirmavimus cum omnibus ad ipsam pertinentibus perpetuo possidendam in proprios usus suos Dei causa et sancte religionis favore salva dignitate et honore et debitis consuetudinibus sancte Norwicensis ecclesie et competenti sustentatione vicarii qui in prefata medietate ministrabit Hanc itaque nostram concessionem et confirmationem ut perpetua perseveret et stabilis presenti scripto et sigilli nostri patrocinio communimus T[estibus] Thoma Gaufrido archidiaconi Thoma Britone Eustachio capellano magistro Lamberto magistro Waltero de Calna Roberto de Chipeham Hoc autem factum est anno ab incarnatione Domini millesimo centesimo nonagesimo septimo