Charter Document - 02400277
| Charter Number: | 02400277 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1175 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Religiosorum utilitatibus ut liberius et quietius divinis valeant obsequiis insistere in quantum possumus iustitia mediante ex commisso nobis officio tenemur intendere Eapropter ad universorum volumus pervenire notitiam nos pietatis intuitu et sancte religionis favore canonice concessisse et presenti carta nostra confirmasse dilectis nobis in Christo monachis de sancto Neoto ecclesiam sancti Andre de Bertunne Binnedic ex donatione nobilis viri Rogeri comitis de Clare illius ecclesie patroni in usus proprios cum omnibus ad eandem ecclesiam pertinentibus perpetuo possidendam salva pensione Alexandri de Brauncestre illius ecclesie persone quamdiu vixerit salvis etiam honore et obedientia et reverentia et debitis consuetudinibus sancte Norwicensis ecclesie et honesta et sufficienti vicarii sustentatione qui in memorata ecclesia ministrabit T[estibus]