Charter Document - 02400274
| Charter Number: | 02400274 |
|---|---|
| Cartulary Title: | Norwich 1070-1214 Volume 6 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1180 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Iohannes Dei gratia Norwicensis episcopus salutem in Domino Ad omnium notitiam volumus pervenire nos concessisse et dedisse Willelmo sacerdoti de Bumham ecclesiam sancti Athelberti de Bumham ipsumque in eadem ecclesia personam canonice instituisse ad presentationem venerabilis viri Roberti abbatis et conventus de Rameseia ad quos eadem spectat ecclesia Hanc itaque ecclesiam cum integritate omnium ad illam pertinentium memorato W capellano confirmamus solvendo tamen inde predictis monachis debitam antiquam et annuam unius marce pensionem scilicet ad festum sancte Margarete dimidiam marcam et ad festum sancti Michaelis dimidiam marcam Et ut hec nostra concessio et institutio perpetuam obtineat firmitatem eam presenti scripto et sigilli nostri appositione communimus Testibus Thoma archidiacono Thoma Britone Eustachio capellano magistro Lamberto Roberto de Chipeh magistro Waltero de Cain magistro Gervasio Vincentio clerico